Fruktbare Helgøy
På den vesle øya Helgøy i Årdalsfjorden bur storfamilien Helgøy. Øya er kjent for å vera fruktbar på eple, pærer, plommer, moreller -og barn! På dei to fruktgardane er det planta om lag 40 000 frukttre etter det moderne tettplantingsprinsippet. Frå blomstringa i mai og til dei siste eplene blir hausta i slutten av oktober er det hovedsesong. Då er det full aktivitet på øya, og opplevinga er mange og varierte for både auger, luktesans og ikkje minst for smakssansen!
Ein frodig fruktgard i Ryfylke
Helgøy er ei lita øy i munninga av Årdalsfjorden. Øya ligg i frodige Ryfylke, eit område som er kjent for å ha lange tradisjonar innan fruktdyrking. Det er mange som blandar oss med Helgøy i Sjernarøyane i gamle Finnøy kommune. Den Helgøya ligg litt lengre inn i fjorden.
Les meir om Helgoy
Familien Helgøy
Kristen vaks opp på garden saman med foreldre og 4 søsken. Dei levde av frukta før faren Jon Arne kjøpte seg ein skyssbåt og begynte å føra skuleungar til fastlandet. Etter kvart som Helgøy Skyssbåt vaks fram utdanna Kristen seg til skipper. Nå trivs han godt med variasjonen med å vera på sjøen og på garden.
Les meir om oss
