Sommaren 2023 prøver me oss med kafe kvar torsdag og fredag heile skuleferien. Det blir spennande å sjå kor mange som finn vegen over brua eller via sjøvegen!
På Helgøy kan du handle i gardsbutikken vår i Epleriet, i nabogarden Helgøyfrukt sin gardsbutikk i sentrum (ja, Helgøy sentrum!), gå turløypa langs sjøen eller leika deg i ballbingen, sandvolleyballbanen eller leikeapparata i sentrum.
Me set pris på at du parkerer på anviste plasser og gjerne bruker føtene over øya. Her arbeider me i frukthagane seint og tidleg med både traktorar og anna kjøretøy så pass på deg og dine! All ferdsel på øya er på eige ansvar.
Velkommen til Helgøy!